Foto: Oddgunn, Ellen, Hallvard

Tekst: Hallvard

RBF klassen kom seint på natt fram til Camp el Planet der vi bor. Det var rett i seng.

Som siste klasse, starta vår reise på kvinnedagen onsdag 8.mars. Reisa tok tid og vi kom fram seint på natt. Morgonen etter viste Spania si vakraste side med sol og varme. Og etter frokost let vi bilane kvile mens vi spaserte mellom appelsinhagar og store kaktusar til Altea. Her var det vår eller kanskje vi heller skulle seie sommar? Vel framme fekk vi sjå fargerike klede i butikkane og smake makroner og is. Etterpå gjekk vi ned til sjøen og gjekk i flokk heimover langs stranda. Å klare turen utan å bruke transport var ei fin erfaring å ta med.

Dag to fekk vi bli betre kjende med turistbyen Benidorm. På stranda var det mange turistar, men nesten  ingen  bada. Tre av oss trossa det kjølige vatnet og gjekk uti. Det var så varmt i lufta at det visstnok var deilig å plaske litt. Etter at vi handla inn mat på butikken, for vi heim der matkomitèen med Oddgunn i spissen, ordna til middag.

Første frokost der vi satt ute og høyrde fuglekvitter og hundbjeffing i bakgrunnen.

På spaserturen til Altea var vinter og snø langt borte.

 I RBF støtter vi kvarandre.

Mandeltreblomstring er eit vakkert syn.

I Altea opp siste bakken

På stranda i Benidorm